Ein heriau
Mae’r Adran yn flaenllaw yn y diwygiadau parhaus a radicalaidd i’r wladwriaeth les. Rydym yn ailstrwythuro sylfaen ein gweithrediadaul, yn buddsoddi yn ein pobl ac mewn technoleg ac yn gweddnewid ein gwasanaethau.
Mae ein heriau pwysicaf fel a ganlyn:
- bodloni disgwyliadau’n cwsmeriaid – maent am ddarpariaeth gysylltiedig ac ni ddisgwyliant orfod rhoi’r un wybodaeth dro ar ôl tro
- meithrin arweinyddiaeth, addysgu ac ymgysylltu cryfach ar draws yr Adran Gwaith a Phensiynau er mwyn darparu gwasanaethau’n fwy effeithiol
- gweddnewid ein ffordd o weithio i wella’n gwasanaeth i gwsmeriaid tra’n cynyddu effeithlonrwydd a lleihau costau o ryw bump y cant y flwyddyn rhwng 2008 a 2011.
Ein gweledigaeth
Ein gweledigaeth yw ‘Gwaith, Lles, Budd, Wedi eu Darparu’n Dda’. Ein dyhead yw cynnig gwasanaeth ‘Dim drws anghywir’ i’n cwsmeriaid, sy’n seiliedig ar ddealltwriaeth ddyfnach o’u hanghenion.
Ein blaenoriaethau
Rydym wedi gwneud cynnydd eisoes. Mae hyn yn cynnwys denu pobl dalentog ac uchelgeisiol o’r sectorau preifat a chyhoeddus fel ei gilydd i’r Adran Gwaith a Phensiynau, a’i hasiantaethau darparu. Ond mae gennym ragor i’w wneud.
Bydd ein blaenoriaethau dros yr ychydig flynyddoedd nesaf yn cynnwys:
- gweithredu’n polisi i roi terfyn ar dlodi plant ac ail-lunio cynhaliaeth plant
- cyflwyno’r agenda Diwygio Lles
- cyflwyno’r rhaglen Diwygio Pensiynau fwyaf uchelgeisiol mewn 50 mlynedd
- adeiladu ar y cynnydd yr ydym wedi ei wneud eisoes o ran sicrhau gwell cydraddoldeb i bobl anabl.