Budd-dal Treth Cyngor
Diweddarwyd ddiwethaf fis Mawrth 2007
- Beth ydyw?
- Allaf i ei gael?
- Beth arall ddylwn i wybod?
- Ad-daliad Ail Oedolyn
- Beth ydyw?
- Allaf i ei gael?
- Beth arall ddylwn i wybod?
- Faint fyddaf yn ei gael?
- Sut ydw i'n gwneud cais?
- Gallwch lawrlwytho ffurflen gais am Fudd-dal Treth Cyngor
- Os ydych chi'n anghytuno â phenderfyniad
- Rwy'n ei dderbyn yn barod. Beth fydd yn digwydd:
- Os af i i'r ysbyty neu os bydd rhywun rwy'n gwneud cais ar ei g/chyfer yn mynd i'r ysbyty?
- Os af i dramor i fyw neu i ymweld?
- Os ydw i'n rhan o deulu yn y lluoedd arfog sy'n mynd neu'n byw dramor?
- Os bydda i'n dechrau gweithio ond bydd fy salwch neu anabledd yn golygu bod rhaid i mi roi'r gorau iddi eto?
- Os bydda i'n dechrau gwaith gwirfoddol?
- Os af i i gartref gofal?
- Rhagor o wybodaeth
- Help arall
- Ieithoedd eraill
Eich cyngor lleol sy'n delio â'r budd-dal hwn
Beth ydyw?
- Help tuag at eich treth cyngor, p’un a ydych yn rhentu neu'n berchen ar eich cartref eich hun, neu’n byw’n ddi-rent
- Telir gan gynghorau lleol fel ad-daliad ar eich bil treth cyngor
- Nid oes rhaid i chi fod yn derbyn unrhyw fudd-daliadau eraill
- Does dim ots os ydych chi eisoes yn cael gostyngiad ar eich treth cyngor, er enghraifft, os ydych chi'n byw ar eich pen eich hun.
- Efallai y gallwch ei gael os ydych allan o waith.
Allaf i ei gael?
Ydych chi:
- Ar incwm isel?
- Yn talu treth cyngor?
Os ateboch YDW i'r ddau, gwnewch gais am Fudd-dal Treth Cyngor.
Beth arall ddylwn i wybod?
Os ydych chi wedi dod i Brydain Fawr yn ddiweddar, darllenwch yn gyntaf rheolau ychwanegol os ydych chi wedi dod o dramor
Os nad ydych yn 60 oed neu'n hŷn ac yn derbyn credyd gwarant y Credyd Pensiwn, fel rheol bydd cynilion dros £16,000 yn golygu na allwch chi dderbyn Budd-dal Treth Cyngor.
Bydd cynilion dros £6,000 yn effeithio ar faint o Fudd-dal Treth Cyngor y gallwch ei dderbyn.
Os ydych chi wedi dod i'r Deyrnas Unedig (DU) o fewn 2 flynedd i'ch cais, gallai hyn effeithio ar eich Budd-dal Treth Cyngor.
Os ydych chi'n fyfyriwr llawn amser, ni fydd rhaid i chi dalu treth cyngor fel arfer.
Os yw'ch partner yn fyfyriwr, efallai y gallwch dderbyn Budd-dal Treth Cyngor.
Ni all y rhan fwyaf o geiswyr lloches a phobl a noddir i fod yn y DU dderbyn Budd-dal Treth Cyngor fel arfer.
Mae partner yn golygu person rydych yn briod â hwy neu berson rydych yn byw gyda hwy fel petaech yn briod â hwy.
Ad-daliad Ail Oedolyn
Beth ydyw?
Cymorth os mai chi yw’r unig berson sy’n gyfrifol am dalu treth cyngor ar gyfer eich cartref, ac rydych yn rhannu eich cartref gydag un oedolyn neu fwy na all dalu tuag at y dreth cyngor. Os yw un o’r bobl rydych yn rhannu eich cartref â hwy yn bartner i chi ac na yw’n cael ei hanwybyddu at ddibenion treth, ni allwch wneud cais am ail ad-daliad oedolyn. Dylech wneud cais am Fudd-dal Treth Cyngor os oes gennych chi a’ch partner ar incwm isel ar y cyd.
Mae partner yn golygu:
- person rydych yn briod ag ef neu berson rydych yn byw gydag ef fel petaech yn briod agf ef, neu.
- bartner sifil rydych yn byw gyda ef fel petaech yn bartneriaid sifil
Allaf i ei gael?
Os nad ydych yn rhannu eich cartref gyda’ch partner, neu os anwybyddir eich partner at ddibenion treth cyngor,
ac
rydych yn rhanni eich cartref gydag un oedolyn neu fwy nad yw’n barnter i chi ac:
- sy’n 18 oed a throsodd;
- nad yw’n talu rhent i chi;
- nad yw’n talu treth cyngor ei hun;
- nad yw’n cael eu hanwybyddu at ddibenion treth cyngor;
- sydd ar incwm isel (yn cynnwys pobl nad ydynt yn gweithio)
yna dylech wneud cais am Ail Ad-dalaid Oedolyn
Faint ydyw?
Mae’r swm a gewch yn dibynnu ar incwm yr oedolyn arall/oedolion eraill a bydd yn ganran benodol o’ch bil treth cyngor, hyd at uchafswm o 25%, neu 100% ar gyfer myfyrwyr llawn amser.
Beth arall ddylwn i wybod?
Gallech gael Ail Ad-daliad Oedolyn hyd yn oed os na chewch Budd-dal Treth Cyngor arferol.
Os ydych eisoes yn cael Budd-dal Treth Cyngor ni fydd yn rhaid i chi wneud cais am Ail Ad-daliad Oedolyn.
Bydd Ail Ad-daliad Oedolyn yn seiliedig ar amgylchiadau yr oedolyn arall, ond bydd yn rhaid i’r person sy’n gyfrifol am y dreth gynor ei hawlio.
Ni fydd eich incwm a’ch cynilion yn effiethio ar Ail Ad-daliad Oedolyn. Gallwch barhau i wneud cais hyd yn oed os oes gennych gynilion sy’n fwy na £16,000.
Os ydych yn fyfyriwr llawn amser a bod un neu fwy o oedolion yn byw gyda chi ar incwm isel (ac eithrio eich partner, neu unrhyw fyfyrwyr llawn amser eraill), gallwch wneud cais am Ail Ad-dalaid Oedolyn.
Os bydd hawl gennych i gael Budd-dal Treth Cyngor a’r Ail Ad-daliad oedolyn, cewch yr un a fydd yn rhoi mwyaf o arian i chi. Os ydych yn 60 oed a throsodd, gallech gael Ail Ad-daliad Oedolyn wedi’i ôl-ddyddio am hyd at 12 mis.
Faint fyddaf yn ei gael?
Wrth gyfrifo'ch Budd-dal Treth Cyngor, bydd y cyngor yn ystyried:
- yr arian rydych chi a`ch partner yn ei ennill, gan gynnwys enillion, rhai budd-daliadau a chredydau treth a phethau fel pensiynau galwedigaethol
- eich cynilion a chynilion eich partner
- eich amgylchiadau, fel eich oedran, oedrannau a maint eich teulu, p'un a ydych chi neu unrhyw un yn eich teulu'n anabl, a ph`un a allai unrhyw un sy'n byw gyda chi helpu gyda rhent.
Mae'r swm mwyaf o Fudd-dal Treth Cyngor y gallwch ei dderbyn yr un faint â'r dreth cyngor lawn mae'n rhaid i chi dalu. Mae rheolau arbennig ar gyfer myfyrwyr.
Ar y cyfan, mae'r cyfraddau a ddefnyddir i gyfrifo'ch Budd-dal Treth Cyngor yr un faint â'r lwfans a'r premiymau sy'n gwneud y Credyd Pensiwn, Cymhorthdal Incwm a Lwfans Ceisio Gwaith (JSA) sy'n seiliedig ar incwm. Mae rhai eithriadau, a restrir isod.
Defnyddiwch y symiau a ddangosir fel canllaw yn unig. Mae rheolau budd-daliadau'n golygu y gallai'ch amgylchiadau unigol effeithio ar faint y cewch chi. Mae hyn yn golygu na fyddwch chi bob tro'n gallu cyfrifo yn union faint y byddwch yn ei dderbyn drwy ddefnyddio'r symiau hyn.
Symiau wythnosol:
| Didyniadau ar gyfer pobl nad ydynt yn ddibynyddion | |
|---|---|
| Yn derbyn Cymhorthdal Incwm, Lwfans Ceisio Gwaith yn seiliedig ar incwm neu Gredyd Pensiwn | dim didyniad |
| Mewn gwaith â thâl ac | |
| Incwm gros wythnosol yn llai na £157.00 | £2.30 |
| Incwm gros wythnosol rhwng £157.00 a £270.99 | £4.60 |
| Incwm gros wythnosol rhwng £271.00 a £337.99 | £5.80 |
| Incwm gros wythnosol yn £338.00 neu fwy | £6.95 |
| Eraill sy'n 18 oed neu'n hŷn a ddim mewn gwaith â thâl | £2.30 |
| Ad-daliad Ail Oedolyn | Swm y bil treth cyngor |
| Ad-daliad ar gyfer oedolion sydd ar Gymhorthdal Incwm, Lwfans Ceisio Gwaith yn seiliedig ar incwm neu Gredyd Pensiwn |
25% |
| Incwm gros wythnosol yr ail oedolyn yn llai na £157.00 | 15% |
| Incwm gros wythnosol yr ail oedolyn rhwng £157.00 a £203.99 | 7.50% |
| Premiwm i bobl sydd â hawliau diogel | |
| Teulu (cyfradd rhiant unigol) | £22.20 |
Sut ydw i'n gwneud cais?
Gwnewch gais ar unwaith. Os byddwch yn oedi, gallech golli budd-dal.
Gallwch wneud cais hyd at 13 wythnos cyn y bydd gennych hawl i Fudd-dal Treth Cyngor. Felly, os ydych yn gwybod y byddwch yn symud i gyfeiriad newydd yn fuan, gallwch wneud cais am Fudd-dal Treth Cyngor er na fydd yn cael ei ddyfarnu cyn i chi symud i mewn.
Os byddwch chi'n symud i gyfeiriad newydd, neu os bydd amgylchiadau eraill yn newid, dylech roi gwybod i'ch cyngor ar unwaith. Efallai bydd angen i chi wneud cais newydd am Fudd-dal Treth Cyngor.
- Os gwnewch gais am Gredyd Pensiwn, Cymhorthdal Incwm neu Lwfans Ceisio Gwaith byddwch yn cael ffurflen i wneud cais am Fudd-dal Treth Cyngor gyda'ch pecyn cais. Llenwch y ffurflen hon a'i dychwelyd at eich cyngor lleol.
- Os na wnewch gais am Gredyd Pensiwn, Cymhorthdal Incwm neu Lwfans Ceisio Gwaith gallwch gael ffurflen am Fudd-dal Treth Cyngor gan eich cyngor lleol.
Gallwch ddod o hyd i gyfeiriad eich cyngor lleol yn adran rhifau busnes y llyfr ffôn. Chwiliwch o dan enw'ch Cyngor Sir, Cyngor Bwrdeistref, Cyngor Dinas, neu mewn rhai ardaloedd, Awdurdod Unedol newydd neu Fwrdeistref Llundain. Os ydych yn byw yn yr Alban, chwiliwch dan enw'ch Cyngor Rhanbarthol neu Gyngor Ynys.
Mae'n bwysig i ni fod yn sicr ynghylch pwy ydych chi pan fyddwch chi'n gwneud cais. Efallai y bydd angen i ni'ch holi chi am eich cefndir ac edrych ar unrhyw ddogfennau swyddogol sydd gennych i ategu'r wybodaeth y rhowch.
Gallwch lawrlwytho ffurflen gais am Fudd-dal Treth Cyngor
Gallwch lawrlwytho ffurflen gais am Fudd-dal Treth Cyngor mewn fformat PDF. Sylwer na allwch ddefnyddio'r ffurflen hon yng Ngogledd Iwerddon.
Mae nodiadau gyda`r ffurflen i'ch helpu i'w llenwi ac i roi gwybod i chi ble i'w hanfon ar ôl ei llenwi.
Os cewch anawsterau technegol wrth:
- lawrlwytho'r ffurflen
- argraffu copi caled
Cysylltwch â Desg Gymorth yr e-Wasanaeth.
Os ydych chi'n anghytuno â phenderfyniad
Os ydych chi wedi cael penderfyniad am Fudd-dal Treth Cyngor ac o'r farn ei fod yn anghywir, gallwch:
- Ofyn i'r cyngor lleol ystyried y penderfyniad eto.
- Gofyn am gael esbonio'r penderfyniad.
- Gofyn am ddatganiad o resymau
- Apelio i dribiwnlys apeliadau annibynnol a weinyddir gan y Gwasanaeth Tribiwnlys.
Os hoffech i'r cyngor ystyried y penderfyniad eto, neu os hoffech apelio yn ei erbyn, mae'n rhaid i chi wneud hynny cyn pen un mis o'r dyddiad ar lythyr y penderfyniad.
Rwy'n ei dderbyn yn barod. Beth fydd yn digwydd:
Os af i i'r ysbyty neu os bydd rhywun rwy'n gwneud cais ar ei g/chyfer yn mynd i'r ysbyty?
Mae'n rhaid i chi ddweud wrth eich cyngor lleol ac, os yw'n briodol, wrth eich Canolfan Byd Gwaith leol, eich Canolfan Gwaith leol neu'ch swyddfa nawdd cymdeithasol leol neu wrth Y Gwasanaeth Pensiwn cyn gynted ag yr ewch i'r ysbyty neu'n gadael yno. Mae'n rhaid i chi ddweud wrthynt hefyd os bydd rhywun rydych yn derbyn budd-dal ar ei g/chyfer yn mynd i'r ysbyty. Os nad ydych chi'n disgwyl bod yn yr ysbyty yn hirach na blwyddyn, gall y Budd-dal Treth Cyngor barhau.
Os af i dramor i fyw neu i ymweld?
Os ewch chi dramor, bydd hyn yn effeithio ar y rhan fwyaf o fudd-daliadau. Rhowch wybod i ni ac i`ch cyngor lleol cyn gynted ag y gallwch eich bod chi'n mynd dramor. Fel arfer, gallwch wneud hyn drwy gysylltu â'ch cyngor lleol ac, os yw'n briodol, eich Canolfan Byd Gwaith leol, eich Canolfan Gwaith leol neu'ch swyddfa nawdd cymdeithasol leol neu wrth Y Gwasanaeth Pensiwn. Gallwch gael rhagor o wybodaeth am gytundebau nawdd cymdeithasol â gwledydd eraill drwy'r wefan hon.
Os ydw i'n rhan o deulu yn y lluoedd arfog sy'n mynd neu'n byw dramor?
Cysylltwch â'ch cyngor lleol am gyngor a help.
Os bydda i'n dechrau gweithio ond bydd fy salwch neu anabledd yn golygu bod rhaid i mi roi'r gorau iddi eto?
Os byddwch yn dechrau gweithio ond yn gorfod rhoi'r gorau iddi cyn pen 52 wythnos yn sgil eich salwch neu anabledd, efallai y byddwch yn gallu mynd yn ôl i Gymhorthdal Incwm ar yr un lefel â'r hyn roeddech yn derbyn cyn i chi ddechrau gweithio.
Er mwyn gallu gwneud hyn:
- Mae'n rhaid eich bod wedi bod yn sâl am 28 wythnos o leiaf ac
- Mae'n rhaid eich bod wedi dechrau gwaith neu hyfforddiant cyn pen 7 diwrnod ar ôl derbyn Cymhorthdal Incwm ac
- Mae'n rhaid i'ch amgylchiadau eraill fod yr un peth.
Mae'n rhaid i chi ddweud wrth eich swyddfa Canolfan Byd Gwaith, eich Canolfan gwaith neu eich swyddfa nawdd cymdeithasol eich bod wedi dechrau gwaith neu hyfforddiant cyn pen un mis o'r dyddiad y dechreuoch.
Ni allwch gael diogelwch os daeth eich budd-dal i ben oherwydd prawf meddygol.
Os bydda i'n dechrau gwaith gwirfoddol?
Mae'n rhaid i chi ddweud wrth eich cyngor lleol am unrhyw fath o dâl y derbyniwch, gan gynnwys tâl am waith gwirfoddol. Mae hyn yn cynnwys tâl nad yw'n arian, a allai fod yn rhywbeth fel tocynnau bwyd. Efallai y gallant anwybyddu rhai o'r taliadau hyn wrth gyfrifo'ch budd-dal.
Os af i i gartref gofal?
Os ewch i ofal preswyl yn barhaol, fel rheol ni allwch dderbyn Budd-dal Treth Cyngor.
Os ewch dros dro, mae`n bosibl i chi dderbyn Budd-dal Treth Cyngor o hyd. Holwch eich cyngor lleol.
Rhagor o wybodaeth
Am ragor o wybodaeth neu daflenni, cysylltwch â'ch cyngor lleol, Canolfan Byd Gwaith, Canolfan Gwaith neu swyddfa nawdd cymdeithasol neu Y Gwasanaeth Pensiwn.
Help arall
Cofiwch mai dim ond arweiniad cyffredinol i fudd-daliadau a chynlluniau yw'r wefan hon, ac nid yw'n ddatganiad llawn ac awdurdodol o'r gyfraith. Rydym wedi gwneud pob ymdrech i sicrhau bod y wybodaeth ar y wefan hon yn gywir ar y dyddiad a ddangosir ar frig y dudalen. Fodd bynnag, gallai newidiadau yn y gyfraith wneud y wefan yn llai cywir gydag amser.
Ieithoedd eraill
Mae'r daflen `Help gyda'ch treth cyngor GL17` ar gael mewn ieithoedd eraill.