Taliad Estynedig Budd-dal Tai a Budd-dal Treth Cyngor – os ydych chi wedi bod yn derbyn Lwfans Ceisio Gwaith neu Gymhorthdal Incwm
Diweddarwyd ddiwethaf fis Medi 2005
- Beth ydyw?
- Allaf i ei gael?
- Beth arall ddylwn i wybod?
- Faint fydda i’n cael?
- Rhagor o wybodaeth
- Help arall
Cynghorau lleol sy’n delio â’r budd-dal hwn, gan ddefnyddio gwybodaeth a ddarperir gan y Ganolfan Byd Gwaith.
Beth ydyw?
- Mae’r rheolau’r un peth ar gyfer y ddau fudd-dal hwn.
- Gallwch barhau i dderbyn y budd-daliadau hyn am 4 wythnos arall ar yr un lefel ag yr ydych wedi bod yn eu derbyn.
- Os bydd budd-daliadau penodol yn dod i ben oherwydd gwaith.
- Dim angen gwneud cais.
Allaf i ei gael?
A ydych chi neu’ch partner:
- wedi bod yn derbyn Lwfans Ceisio Gwaith, Cymhorthdal Incwm neu gyfuniad o’r ddau, am 26 wythnos o leiaf?
- wedi stopio derbyn Lwfans Ceisio Gwaith sy’n seiliedig ar incwm neu Gymhorthdal Incwm oherwydd eich bod wedi dechrau gwaith, wedi cynyddu nifer yr oriau rydych yn gweithio, neu am fod eich cyflog wedi cynyddu?
- wedi dechrau mewn gwaith llawn amser rydych yn disgwyl iddo bara am 5 wythnos neu fwy?
- yn gyfrifol am dalu rhent a/neu dreth cyngor
Os ateboch YDW i’r rhain i gyd, gallech dderbyn Taliadau Estynedig – nid oes angen i chi wneud cais.
Mae partner yn golygu person rydych yn briod â hwy neu berson rydych yn byw gyda hwy fel petaech yn briod â hwy.
Beth arall ddylwn i wybod?
Mae’n rhaid i chi ddweud wrth eich swyddfa nawdd cymdeithasol neu Ganolfan Gwaith/Ganolfan Byd Gwaith eich bod wedi dechrau gweithio, neu wedi cynyddu’ch oriau cyn pen 4 wythnos o’r dyddiad y dechreuwch.
Faint fydda i’n cael?
Mae’r swm y byddwch yn ei dderbyn yn dibynnu ar faint o Fudd-dal Tai neu Fudd-dal Treth Cyngor roeddech yn ei dderbyn yn yr wythnos cyn i chi ddechrau gweithio.
Rhagor o wybodaeth
Am ragor o wybodaeth, cysylltwch â’ch cyngor lleol.
Help arall
- Bonws Cynhaliaeth Plant
- Budd-dal Treth Cyngor (efallai y gallwch ei gael pan fyddwch mewn gwaith)
- Budd-dal Tai (efallai y gallwch ei gael pan fyddwch mewn gwaith)
- Dilyniant o Log Morgais (MIRO)
- Grant Swydd