Partneriaethau Sifil
Math newydd o berthynas gyfreithiol yw Partneriaeth Sifil, y gellir ei chofrestru rhwng dau berson o’r un rhyw. Daeth i rym ar 5 Rhagfyr 2005, ac mae’n galluogi cyplau un rhyw i gael cydnabod eu perthynas yn gyfreithiol.
Bellach caiff partneriaid sifil a chyplau priod eu trin yn gyfartal mewn amrywiaeth eang o faterion cyfreithiol, gan gynnwys:
- Treth, gan gynnwys treth etifeddu
- Budd-daliadau Etifeddu
- Y rhan fwyaf o fudd-daliadau pensiwn y wladwriaeth a budd-daliadau pensiynau galwedigaethol
- Budd-daliadau, credydau treth a chynhaliaeth plant sy’n gysylltiedig ag incwm
- Dyletswydd i ddarparu cynhaliaeth resymol i’ch partner sifil ac i unrhyw blant yn y teulu
- Gallu i wneud cais am gyfrifoldeb rhiant dros blentyn eich partner sifil
- Etifeddu cytundeb tenantiaeth
- Cydnabyddiaeth o dan reolau diffyg ewyllys
- Hawl i iawndal damweiniau marwol
- Amddiffyniad rhag trais yn y cartref
- Cydnabyddiaeth at ddibenion mewnfudo a chenedligrwydd.
Ers cyflwyno’r bartneriaeth sifil, bu newidiadau pwysig sy’n effeithio ar gyplau un rhyw sy’n hawlio budd-daliadau sy’n gysylltiedig ag incwm, p’un a yw’r cwpwl yn penderfynu ffurfio partneriaeth sifil ai peidio.
Am ragor o wybodaeth am yr effaith y gallai hyn ei chael ar eich budd-daliadau, ewch i
Getting it right (Saesneg) (37KB)
Ei wneud yn iawn (Cymraeg) (39 KB)
Am wybodaeth fanylach am bartneriaethau sifil, ewch i www.womenandequalityunit.gov.uk/civilpartnership.htm